الاسئله الشائعه
وش هو راصد بلس؟
راصد بلس بوت يساعد السواقين والسائقات يلقون مشاوير تناسب احيائهم ووجهاتهم واوقاتهم بدون متابعه عشرات القروبات طوال اليوم
هل راصد بلس قروب او قناه؟
لا
راصد بلس خدمه شخصيه داخل بوت تيليجرام وكل مستخدم يسجل تفضيلاته ويستقبل الفرص المناسبه له
هل راصد يضمن لي مشوار؟
لا
راصد يبحث وينظم ويطابق الطلبات لكنه ما يضمن توفر مشوار او قبول العميل او اتمام الاتفاق
كيف يعرف راصد المشوار المناسب لي؟
تحدد حي السكن واحياء استقبال الركاب والوجهات والاوقات والايام والحد الادنى للسعر
بعدها يقارن راصد الطلبات الجديده بتفضيلاتك ويرسل لك الاقرب
وش معنى مطابقه قويه او محتمله او واسعه؟
المطابقه القويه تعني ان المسار والتفاصيل قريبه جدا من تفضيلاتك
المطابقه المحتمله تعني ان جزء مهم من المشوار مناسب لكن بعض التفاصيل ناقصه او تحتاج مراجعه
المطابقه الواسعه تعني ان المشوار قريب من نطاقك وقد يستاهل تشيك عليه
اقدر ابحث عن مشوار بنفسي؟
ايه
تكتب طلبك بطريقتك مثل من طويق الى شمال الرياض بعد العصر وراصد يبحث لك عن النتايج المناسبه
اقدر احفظ البحث؟
ايه
بعد ظهور النتايج تقدر تحفظ البحث كتنبيه دائم ويوصلك اي مشوار جديد يطابقه
وش تسوي حاسبه راصد؟
تحسب مسافه المشوار وتكلفه البنزين والتشغيل واستهلاك السياره والربح المتوقع
وتقارن السعر المعروض بنطاق اسعار السوق عشان تعرف اذا كان منخفض او عادل او ممتاز
اقدر الصق رابط قوقل ماب؟
ايه
تقدر تلصق رابط الموقع او تكتب اسم المكان مثل السلام مول او جامعه الملك سعود
هل ارقام الحاسبه نهائيه؟
لا
هي تقديرات تساعدك على اتخاذ القرار والسعر النهائي يعتمد على تفاصيل الطريق والوقت والسياره والاتفاق
وش هو ناشر راصد؟
خدمه تساعدك تنشر اعلانك في قروبات التوصيل اللي تختارها وباسم حسابك وبعد موافقتك
هل راصد يطلب الرقم السري لتيليجرام؟
لا
ربط الحساب يتم من خلال خطوات تيليجرام الرسميه ولا يطلب منك ارسال الرقم السري داخل محادثه البوت
اقدر افصل حسابي عن الناشر؟
ايه
تقدر توقف النشر او تعدل القروبات او تفصل الحساب باي وقت
هل الاشتراك للسائق والسائقه؟
ايه
الخدمه متاحه للسواقين والسائقات ويقدر كل مستخدم يحدد نوع الحساب وتفضيلاته
متى يبدا الاشتراك؟
يبدا من وقت تفعيل الرمز على حساب تيليجرام
كم مده الاشتراك؟
30 يوم من تاريخ التفعيل
هل الاشتراك يتجدد تلقائيا؟
ما يتجدد تلقائيا الا اذا ظهر خيار التجديد التلقائي ووافق عليه العميل وقت الدفع
هل اقدر استرجع المبلغ؟
يحق لك طلب الاسترجاع خلال 7 ايام اذا ما فعلت الاشتراك وما استخدمت الخدمه
بعد التفعيل والاستفاده تطبق شروط سياسه الاسترجاع
وش اسوي اذا ما وصل رمز التفعيل؟
تواصل مع الدعم وارفق رقم الطلب وبيانات الدفع ونتحقق منه لك
وش اسوي اذا واجهتني مشكله؟
افتح قسم الدعم داخل البوت واكتب المشكله في رساله وحده مع رقم الطلب او صوره الخطا اذا توفرت